{يـارسـول الـشـوق}

{يـارسـول الـشـوق}
يارسول الشوق خذمني كتاب=قول للباشاترى حالي تعيب
راح عمري بس أطارد للسراب=من ذهيبي رحت أناكلي ذهيب
صحت أنادي ميرمن ليْ إستجاب=غيرمرجوع الصدى مامن مجيب
بالحشاسيف الغلا حتى النصاب=رادتي بالروح مالي به نصيب
كل هذاعنه قلبي ماستتاب=ذاهل بالود عايش مستريب
متعب الجابات قاعد مايجاب=حقي إني للولع فيه أستجيب
تلني بالحب وأبغاله ثواب=آه أنا ويلا ه ثايب مايثيب
ماألتفت إلزول هيفامع رباب=غيرخلي مانبي حب وحبيب
راحت أيامي عتاب في عتاب=قلبي الممروض هوليه طليب
من عذابي كل مابالحال شاب=والفتى لطال به عمره يشيب
ذابة الرغبات من حرإلتهاب=في ثناياالجوف والخافق لهيب
مايطفي لاهبي غيرإقتراب=من عشيري لتدانالي قريب
في حضان الشوق ناب طق ناب=حضرة الأرواح ماعنهامنيب
لي جميل الصبرمذخوروزهاب=نعم ألايانعم ياله من زهيب
يوم صوت البين ينعقله غراب=ماحزرت ولاشعرت إني غريب
من هوى الخفرات مابه رجل عاب=كان عبت اليوم أبوزيديعيب
من يهاب الودعن وصله يهاب=والمحب الشهم ماأظنه يهيب
لوعوتله في مشاويره ذياب=حدنفسه وأصبح المشتاق ذيب
هذي الجابات وأبغاله جواب=قول يالباشاعليْ بالقاف جيب
مع رسول الشوق زرفلي كتاب=بالعجل ياخوك أناحالي تعيب